終於都settle好貓貓，可以講下成個心路歷程，希望這篇文章可以幫到即將帶寵物移民的朋友。
Background：幾隻貓貓今次係坐 Air Canada同我地in cabin一齊出發，機程15小時，由出門口起計到抵達新家需時22小時。
貓貓性格方面：
pipi（黃貓）：極細膽，有自發性膀胱炎、血尿record，出發前6日發作…
肥妹（三色貓）：好奇但偏細膽；
蕉蕉（啡貓）：大膽仔。
先講講出發前最擔心嘅5樣嘢：
- 貓貓們嘅情緒，因為要困袋十幾二十小時 ，佢哋一定會好唔慣。
- 大小便問題。
- 貓貓因太驚不吃不喝。
- 到埗後適應環境問題。
- 隻黃貓pipi特別細膽，出發前6日有血尿，好擔心上到機之後加重，或者去到新環境難適應，影響病情。
然後有關於解決以上擔憂嘅準備功夫：
1，關於貓貓情緒
半年前買定袋放廳比佢地習慣；出發前係tvmall買定 Feliway 香薰spray，出發前噴幾下係每個袋度，上到機倉再噴少少係袋。
2，大小便問題
記得買尿墊，雖然貓貓驚就唔夠膽屙，但始終機程太長，貓有三急都係會瀨。
（三貓有一隻少少尿左，屎就無）
3，機上吃喝問題
其實事前都聽唔少朋友分享貓貓太驚會不吃不喝，但都準備定少量乾糧同埋肉泥條，結果最細膽隻黃貓竟然肯食肉泥條！（三貓得一隻有食）
4，關於到埗適應問題
長途機已經夠辛苦，只希望佢地一入屋盡快適應。所以我將佢地貓砂兜、水機、玩具都帶晒過嚟，用過既貓砂都各自拎走左一小袋（霸左我一個gip，但值！）。
到埗後入屋第一時間將啲砂盤、水機、備用糧食拆晒出嚟用，有2隻即日已經食同屙，細膽啲果隻第二晚都食，已經算好好。
5，照顧細膽驚青的貓仔
隻黃貓特別細膽，加上出發前又血尿，所以全程機我都特別照顧，不時都拎佢坐大髀摸摸佢（另外兩隻都有但較少）；出發前睇醫生拜托佢開足2星期藥，幸好過到嚟都ok。
除了以上準備功夫，個人認為最優先要準備，係強大的心臟！如果奴才情緒都崩塌，咁仲點照料貓貓？
另外，記得對貓貓比多啲信心！我果幾隻平時唔出街、細膽，有隻驚青壓力大就會血尿，但都搞得掂，請相信你地嘅主子！
Move
搞掂貓貓後，你可能仲要煩惱啲家當點樣安全搬運到當地，可以考慮下使用Spaceship Move 國際移民搬運比較及預約平台，一鍵就提供曬網上即時報價，同【香港-海外】點對點搬運服務，仲有包裝存倉服務，同埋高達$50,000搬運保險，足不出戶都可以輕鬆搬運。
相關閱讀：一文了解國際快遞清關流程
