【寵物移民懶人包2023】帶住3隻貓貓移民加拿大: 事前要準備好3件事

寵物移民加拿大懶人包

講起移民, 相信有養寵物既朋友一定最擔心自己既「仔仔女女」,所以有人會選擇經寵物移民agent 去處理晒所有既事宜。不過,如果你係帶貓貓移民去加拿大,成個手續同程序相比起其他國家真係簡單得多!

帶貓貓移民


帶貓貓移民去加國,事前要準備既野只係得3樣:

  1. 買機票
  2. 瘋狗症針(rabies)
  3. 買貓袋

關於買機票

由於主子們比較細膽,所以諗都無諗就鎖定左搭 Air Canada, 因為只有 AC 有提供寵物 in cabin 既直航機。買寵物機票既過程會建議打去 AC 客服 confirm 心儀既日子仲有無寵物位(每班機只有10個 in cabin),confirm左有先去 AC 官網買人既機票,然後再一次打去客服講出你訂單reference code,同佢講要加幾多個寵物位,每隻機票只係 CAD100(港幣$600),好抵!不過要留意航空公司有講明每人quota只可帶一隻,所以如果你係一人出發帶兩貓,就可能要搵朋友幫,搭人 give a helping hand。

帶貓貓移民加拿大

瘋狗症針係貓貓入境加拿大必須要有,呢支針有分為有佐儕同無佐儕,一般佐劑以延長或擴大注射部位發炎反應黎增加疫苗效率,但貓咪皮下組織係呢類佐劑刺激下,反有機會形成腫瘤,嚴重更會引起惡性纖維腫瘤,為求安心,奴才最後選擇價位貴好多既無佐儕款。

打左好多間診所先搵到荔枝角有間有無佐儕款available,仲要made in japan;雖然價格比起有佐儕款貴成千蚊,三隻加埋埋單成$4000⋯⋯真係好金,但為左安心d都無計了。而針卡果度記得要寫清楚「Rabies」呢個字眼,關員就係靠佢比貓貓綠燈。


貓袋

而貓袋方面要上返官網睇睇 Air Canada 機型規定size, 如搭乘波音 787-9 客機,寵物袋尺寸為:

高:20 公分(8 英寸)寬:40 公分(16 英寸)長:43 公分(17 英寸)

帶貓貓移民加拿大
帶貓貓移民加拿大

但留意係,袋底千祈唔好超大多,因為如果佢度到太闊,認為個袋塞唔到入前座底,真係有機會唔比你上機!

最終奴才都好順利帶左3隻貓貓移民成功,每隻貓貓成本港幣$2000唔洗。另外有好多人講既 Health Cert 同漁護署加簽兩樣都唔洗做架!我飛前都完全無搞過,過關係唔需要呢個文件,特此溫馨提示一下。

帶貓貓移民加拿大

移民搬運

搞掂貓貓後,你可能仲要煩惱啲家當點樣安全搬運到當地,可以考慮下使用Spaceship Move 國際移民搬運比較及預約平台,一鍵就提供曬網上即時報價,同【香港-海外】點對點搬運服務,仲有包裝存倉服務,同埋高達$50,000搬運保險,足不出戶都可以輕鬆搬運。

Spaceship Move移民搬運服務
Spaceship Move移民搬運服務

延伸閱讀:

【香港寄加拿大懶人包】教你兩步揀最快最平快遞公司 附禁運物品及關稅須知

【加拿大留學】Spaceship教你網上2步直送行李到加拿大

加拿大移民空運計劃

Emily •

港人移民移民加拿大寵物移民

繼續閱讀

熱門文章