自從英國早前公佈持有BNO (英國國民海外護照) 的港人「5+1」移民英國新安排，引來大批香港人再次研究移民到英國的可能性，估計有超過300萬BNO護照持有人符合此5+1年加入英籍計劃。（按此看寄BNO申請文件到英國教學）
但移民除了生活費預算，亦有很多日常用品、行李和傢俬需要寄到英國新居。種種香港平日生活用品雜貨，去到另一文化國家就會變得又貴又難搵。計劃移民？不妨睇睇以下10大居英港人都推介要寄去英國的生活用品！
十大移民英國需要寄運的生活用品
1）移居英國必備生活用品：電飯煲
香港人習慣正餐食飯，移民到英國未必能適應英式食物；加上英國外出進食洗費偏貴，寄電飯煲去英國會幫到你剛到埗時更容易應付一日三餐。
2）移居英國必備生活用品：真空煲
去到英國為咗節省洗費，留喺屋企煮食嘅時間可能會比較多。如果你英國住宿嘅廚房係用煤氣，咁煲湯或燘煮嘢食就會好貴。喺香港買定個好嘅真空煲寄去英國，煮食真係會方便快捷同慳錢很多！
3）移居英國必備生活用品：電腦、手機
英國有消費稅，最少加20%VAT，而且有得買嘅款式唔多，最好買定需要嘅數量一次過寄去英國。
Spaceship提提你
寄電飯煲/真空煲及電腦等家電產品(特別含有電池或鋰電池)到英國會有特別限制，詳細可以參考 Spaceship 的寄含鋰電池電子產品到海外教學。
4）移居英國必備生活用品：床褥
有人話床褥可以到埗英國先買，但英國的床褥比香港普遍床褥軟身得多。如果你會認床又有預算，可以考慮將香港張私家床褥寄埋過去英國。
5）移居英國必備生活用品：日台韓化妝/護膚品
平時喺香港好容易買到嘅日本、韓國、台灣化妝品同護膚品，喺英國係賣得非常貴。如果你平日用慣日、韓、台嘅化妝品同護膚品，剛到埗又唔想皮膚唔適應新環境或新牌子而敏感，就要記得寄埋去英國喇！
6）移居英國必備生活用品：平價面膜
喺香港要買任何類型嘅面膜都隨手買到，但英國嘅面膜就無咁多選擇，價錢亦普遍比香港貴。移居到新環境，皮膚難以霎時適應，要寄多一點去英國以備不時之需。
Spaceship提提你
唔係樣樣化妝品/護膚品都寄得去英國！例如含酒精成份嘅產品係唔可以郵寄！如有需要可以將你想郵寄嘅產品成份傳給線上客服查看，問問 Spaceship 物流專家嘅意見！
7）移居英國必備生活用品：暖包
英國冬天嘅平均溫度大約是1-5°C左右，加上氣候變化比較大，經常下雨、大風嘅天氣令體感溫度會再下降。所以移居到英國嘅首個冬天可能會比較難受，不妨多寄些暖包過去幫助適應！
8）移居英國必備生活用品：電蚊拍
如果你預備移民搬去英國比較鄉郊嘅地區，就要有心理準備天春夏天時會有比較多蚊蟲滋生！而電蚊拍就係最常需要寄去英國嘅驅蚊防蚊產品。
9）移居英國必備生活用品：衛生巾
英國其實都有好多衛生巾牌子可供選擇，價錢亦合理。但如果你用慣香港款式，擔心不適應英國牌子或會有皮膚容易過敏等考量，就可以寄定一些去英國作後備。
10）移居英國必備生活用品：口罩
依家喺英國肺炎疫情反覆，口罩供應也沒有香港穩定充足，很多地方都難以買到口罩，口罩價錢也比較貴。於疫情肆虐下決定要移居英國，記得要寄定多些口罩去英國去保護自己。
香港寄口罩到英國詳細教學及注意事項可參考：香港寄口罩到海外
相關閱讀：移民英國生活貼士-住屋篇
Spaceship 英國搬運方案
最近Spaceship收到不少香港人移民到英國的國際搬運寄件查詢。無論是個人國際搬運，或整個家庭移民搬家，Spaceship都可以幫你以優惠運費價錢搵到最適合你的移民搬運寄件方式，比海運移民搬運更平更快！Spaceship亦與包裝物流公司合作，為你彈性提供紙箱訂購、包裝、木箱訂造以及滅蟲等服務。
